डायबिटीस,ब्लड प्रेशर आहे तर मी काय खाऊ?

हल्ली साधारण पन्नाशी नंतर  मधुमेह, रक्तदाब असे त्रास सुरु होताना दिसतात. मग हे खाऊ नका, ते खाऊ नका अशी न खाण्याच्या पदार्थांची यादीच मोठी होत जाते.तेल, तुपावर बंधने येतात. मिठाचे प्रमाण कमी करावे लागते. या सगळ्याचा परिणाम   म्हणजे रोजचे अन्न सपक व नावडत्या चवीचे होऊ लागते. मग ते कमी खाल्ले जाते. कधी कधी सगळ्याचा कंटाळा येऊन मग चमचमीत वस्तूंवर ताव मारला जातो. आणि त्याचा शरीरावर अजूनच दुष्परिणाम होतो. पोषण कमी पडते. थकवा वाढतो. आणि मग कितीही विटामिनच्या गोळ्या घेतल्या तरी तो कमी होत नाही.

अशावेळी, रोजचे जेवण चवदार कसे बनेल, कंटाळवाणे  कसे होणार नाही याकडे लक्ष देणे गरजेचे असते.